Skip to main content

အမျိုးသားတို့ တိုးတက်စေကြောင်းတရား (၄)ပါး (or) သမ္ပဒါတရား (၄)ပါး

မြတ်စွာဘုရားဟောကြားတော်မူသော လောကီတိုးတက်အောင်မြင်နည်း..

၁။ ဉာဏ်ပါတဲ့ လုံလဝီရိယနှင့် ကြိုးစားအားထုတ်သူဖြစ်ရမယ်။
၂။ ရရှိပြီးသော စည်းစိမ်ချမ်းသာကို ဆင်ခြင်ဉာဏ်ကင်း၍ အကျိုးမရှိသောနေရာ၌ သုံးဖြုန်းမိခြင်းမရှိအောင်
ထိန်းသိမ်းစောင့်ရှောက်နိုင်သူဖြစ်ရမယ်။
၃။ မိမိလုပ်နိုင်အားနှင့် ချိန်ဆပြီး မျှတမှန်ကန်စွာ အသက်မွေးမြူခြင်း ရှိသူဖြစ်ရမယ်။
၄။ မိတ်ဆွေကောင်းနှင့် ပေါင်းသင်းသူ ဖြစ်ရမယ်။

တစ်ခုခြင်းကို အကျယ်အဓိပ္ပါယ်ဖွင့်ရရင် ..

၁။ ဉာဏ်ပါတဲ့ လုံလဝီရိယနှင့် ကြိုးစားအားထုတ်သူဖြစ်ရမယ်ဆိုတာ . . .

>> တတ်သိနားလည် ကျွမ်းကျင်အောင် လေ့လာ၊ သေချာပိုင်နိုင်အောင်လုပ်နိုင်သလားဆိုတာ စဉ်းစား၊ ပိုင်ရင် လုပ်ဖို့ ဆုံးဖြတ်၊ အကွက်ကောင်း၊ အချိန်ကောင်းနေရာကောင်းကို သိအောင်လုပ်၊ တကယ်လိုအပ်မဲ့ ပစ္စည်းကရိယာပြည့်စုံရမယ်၊ လုပ်သင့်တာကို လုပ်ဖို့ အရေးကြီးသလို မလုပ်သင့်တာကို မလုပ်ဖို့လည်း အရေးကြီးတယ်။

၂။ ရရှိပြီးသော စည်းစိမ်ချမ်းသာကို ဆင်ခြင်ဉာဏ်ကင်း၍ အကျိုးမရှိသောနေရာ၌ သုံးဖြုန်းမိခြင်းမရှိအောင်
ထိန်းသိမ်းစောင့်ရှောက်နိုင်သူဖြစ်ရမယ်ဆိုတာ . . .

>> ရန်သူ (၅)ပါးနှင့် မိန်းမ၊ အရက်၊ လောင်းကစား၊ မိတ်ဆွေတုကို အထူးသတိထားရှောင်နိုင်အောင် ကြိုးစားရမယ်။

၃။ မိမိလုပ်နိုင်အားနှင့် ချိန်ဆပြီး မျှတမှန်ကန်စွာ အသက်မွေးမြူခြင်း ရှိသူဖြစ်ရမယ်ဆိုတာ . . .

>> မြတ်စွာဘုရားအလိုအရ လောကီကြီးပွားရေးအတွက် ငွေကြေးခွဲဝေသုံးစွဲနည်း
မိမိရရှိသော ငွေ၊ ပစ္စည်းကို လေးပုံပုံပါ။
တစ်ပုံကို --- လိုရာသုံးပါ၊ လျှူဖြစ်အောင်လည်းလျှူပါ။
နှစ်ပုံကို --- အရင်းအနှီးလုပ်ပါ။
တစ်ပုံကို --- အရေးပေါ်သုံးနိုင်အောင် သီးသန့်ရန်ပုံငွေ ထားပါ။

၄။ မိတ်ဆွေကောင်းနှင့် ပေါင်းသင်းသူ ဖြစ်ရမယ်ဆိုတာ . . .

>> သုံးပါးရတနာကြည်ညိုသူ၊ ငါးပါးသီလမြဲတဲ့သူ ဉာဏ်ပညာပြည့်စုံသူ၊ အလျှူဒါန လုပ်လေ့ရှိသူနှင့်သာ ပေါင်းသင်းပါ။

ဒါလေးတွေက ကျနော် ကျောင်းပြီးခါစ စာဖတ်ချိန်ကောင်းကောင်းရတုန်းက ဖတ်ခဲ့တဲ့ တက်ကျမ်းစာအုပ်တစ်အုပ်ထဲကဖြစ်မယ်။

ကိုယ်ပိုင်စာအုပ်ကိုပဲ နှစ်သက်လို့ လက်ရေးနဲ့ကြည့်ကူးထားတာ။ ဆရာဖေမြင့်၊ ဆရာဘုန်းမြင့်သွေး၊ တစ်ယောက်ယောက်ဆရာထဲကဖြစ်မယ်။
ဒါလေးကို ရေးပြီးတော့ ကျနော်တစ်ခုစဉ်းစားမိတယ်။ အခုရေးတဲ့စာတွေက ငါလည်း ဖတ်မှတ်ထားလို့ သိထားတာ။ နှစ်သက်လို့သာ မှတ်ထားတာ။ တကယ်ကော လိုလိုချင်ချင်နဲ့ "ကျင့်" နေပြီလားဆိုတာ ကိုယ်ကိုကိုယ်မေးမိတယ်။ ကျနော်တို့ စာအုပ်တွေဖတ်တယ်၊ အင်တာနက်ထဲမှာ စာတွေဖတ်တယ်ဆိုတာ အသိတွေ စုနေတာပါ။ သူများအသိကိုယ် ကိုယ်တွေ့မကြုံခင်၊ ကြုံတဲ့အခါ ဆင်ခြင်နိုင်အောင် လေ့လာဖတ်မှတ်နေတဲ့ အသိတွေသာ ဖြစ်ပါတယ်။ တစ်ခါတစ်ခါ စာကောင်းလေးတွေဖတ်ပြီးတဲ့အခါ စိတ်ထဲမှာ ခံစားရတယ်။ အော် ဟုတ်ပါလား၊ မှန်လိုက်တာ ဆိုတာမျိုးဖြစ်ဖူးကြပါလိမ့်မယ်။ အဲ့ဒါ တဒင်္ဂ စိတ်ခံစားမှုလေးဖြစ်သွားတာပါ။ တကယ်တမ်းကိုယ်သိလိုက်ရတဲ့ (ဒီနေရာမှာ ကိုယ်သိလိုက်တဲ့ အသိဆိုတာ လေ့လာအသိ၊ ဖတ်မှတ်အသိကိုပြောတာပါ) အသိကို ကျင့်အပ်တဲ့ ကောင်းမြတ်တဲ့ အကျင့်လို့လည်း နားလည်ပြီဆိုရင်တောင် အသိကို အသိအတိုင်းထားရင် ကျင့်ကြံမှု၊ အားထုတ်မှု မရှိဘူးဆိုရင် အသိက အသိပါပဲ။ အကျင့်အလိုလိုဖြစ်မလာပါဘူး။ ဒါကြောင့် လာမယ့် ဖေဖေါ်ဝါရီ ၁ရ မှာရောက်လာမယ့် ကျနော့ မွေးနေ့အတွက်ရည်ရွယ်ပြီး "မိဘကျေးဇူးအကျေဆပ်နည်း" ဆိုတဲ့ခေါင်းစဉ်လေးနဲ့ ရေးနေပါတယ်။ နာကြားဖူးထားတဲ့ ဆရာတော်ရှင်ဆန္ဒဓိကရဲ့ တရားတော်ကို အခြေခံပြီး ရေးနေတာပါ။ အဲ့ဒီ blog ထဲမှာ ကျနော့်ကိုယ်ကျနော် ဆုံးမဖို့အတွက် ရေးထားတဲ့ "အသိမှ အကျင့်သို့ကူးပြောင်းခြင်း" ဆိုတဲ့ နေရာလေးကို ဒီ blog ထဲမှာလည်း ထည့်သုံးပေးချင်ပါတယ်။ အပေါ်မှာ ဖေါ်ပြထားတဲ့ အသိကောင်း၊ အကျင့်ကောင်းတွေနဲ့ လိုက်ဖတ်မယ်ထင်လို့ပါ။

"အသိမှ အကျင့်သို့ ကူးပြောင်းခြင်း"

အသိကို အသိအတိုင်းထားရင် အသိက အကျင့်အလိုလိုဖြစ်မလာပါဘူး။
အသိက အသိပါပဲ။ သိထားတဲ့ အသိကို သတိနဲ့ စဉ်းစားဆင်ခြင်ခြင်းဖြင့်သာ အကျင့်အဖြစ်ကူးပြောင်းလို့ရမယ်ထင်ပါတယ်။ အသိကို
သတိနဲ့ဆင်ခြင်မိတိုင်း အကျင့်အဖြစ် ကူးပြောင်းနေတာပါပဲ။ သိလို့ ကျင့်ပြီဆိုတော့ တဒင်္ဂ တခဏသာ ကျင့်မိတဲ့အကျင့် မဖြစ်ရလေအောင်
အဲ့ဒီအကျင့်လေးမြဲဖို့ကလည်း သတိနဲ့ပဲ နေထိုင်မှ ခိုင်မြဲတဲ့ အကျင့်လေးဖြစ်ပြီး အလေ့အကျင့်ကောင်းဖြစ်လာမယ်ထင်ပါတယ်။
အားလုံးပဲ လွတ်လပ်၊ပျော်ရွှင်၊ငြိမ်းချမ်းအောင် ကြိုးစားနိုင်ပါစေ..
source : www.sawsanblog.com

Comments

Popular posts from this blog

ဥယျာဉ်မှူး၏ တစ်နှစ်စာ အလွဲများ ( တစ်နှစ်စာ အမှတ်တရ )

မင်္ဂလာပါ

ကျွန်တော် ဧဒင်ဥယျာဉ် ဟု အမည်မပေးခင် 27.11.2009 မှာ ကျွန်တော်တို့ Graphic Design ဝါသနာရှင်တွေ

စုစည်း ဆွေးနွေးစရာ နေရာ တစ်ခုအဖြစ်ကိုမျိုးတို့ အဖွဲ့ရယ်လို့ ဆိုဒ်ကို လူ 50 တိတိ သာ ဖိတ်ပြီး ပုဂ္ဂလိက အဖြစ် ရပ်တည်ခဲ့ပါတယ် ။

ထို အဖွဲ့သား 50 အတွက် ကျွန်တော် Gtalk ပေါ်ခါစက ကဗျာလေး တစ်ပုဒ်ကို နောက်ခံပုံလေးနဲ့ တွဲလို့

Gtalk ချစ်သူ ဆိုတဲ့ ကဗျာ လေးတွေ နဲ့ အတူ ကဗျာ 4 ပုဒ် ပုံနဲ့တွဲပြီး ထိုကဗျာတွေပေါ်မှာ

ကျွန်တော်တို့ ပထမ address ဖြစ်တဲ့ www.myominlatt.ning.com ဆိုပြီး initial ထိုး လို့ Mail တွေပို့ပေးရာက

တစ်ပတ် အတွင်း ဧဒင်မှာ member 162 ယောက် ဖြစ်လာခဲပါတယ် ။

ဒီလိုနဲ့ ကျွန်တော် နှစ်သစ် ကူး အချိန်ဖြစ်တဲ့ တိုက်ဆိုင်မှု့ကြောင့် 1.1.2010 နံနက် 12း12 မှာ ဧဒင်ဥယျာဉ် လို့

အမည်ပေးပြီး အများသုံး ဖြစ်အောင် ပြင်ဆင်ပေးခဲ့ပါတယ် ။ ....

ကျွန်တော် ယနေ့ထိ လုပ်မိခဲ့တဲ့ အလုပ်တွေ အားလုံးနဲ့ ထဲမှာ ဧဒင်ဥယျာဉ်ကြောင့် ပိုက်ဆံနဲ့ ရှာဝယ်မရနိုင်တဲ့

ပီတိ တစ်ခုနှင့်အတူ ဘက်ညီ လက်ညီ အားပေးကြတဲ့ ယနေ့ အဖွဲ့သားအားလုံးကြောင့် ကျွန်တော့် ဘဝတစ်ခုမှာ

ဧဒင်ဥယျာဉ်က မိသားစုတစ်ခု လို အရေးပါခဲ့တာပါပဲ ...... ဧဒင်ကို အများထက် သာရမယ်လို့ စိတ်ထဲ အ…

Virus ငယ်ငယ်လေး ရေးနည်း၊ ဖြေရှင်းနည်း

ဒီလိုဗျာ ကွန်ပျုတာပညာကို စိတ်ဝင်စားတဲ့ သူငယ်ချင်း အချင်းချင်း နောက်ချင်ပြောင်ချင်လို့
Virus သေးသေးလေးတွေရေးပြီး စချင်တယ်ဆိုရင်လေ၊ အဲ့လိုစနောက်တဲ့အခါ ဘယ်လိုဖြေရှင်ရမယ်ဆိုတာရယ်ကို ရေးပေးမလို့ပါ။
Virus ဆိုပေမယ့် သာမန် vbs တို့ bat တို့နဲ့ ရေးထားတဲ့ program သေးသေးလေးပါ။
အနှောက်အရှက်နဲနဲဖြစ်စေလို့ Virus သေးသေးလို့ပြောတာ။ ဒါပေသိ Antivirus တော်တော်များများက မသိတဲ့ format တွေဖြစ်ပါတယ်။

Cursor ချလိုက်တဲ့နေရာတိုင်းမှာ I Love You. ဆိုတဲ့ စာလေးတွေအများကြီးရေးပေးနေမယ့် program လေးကို
ဒီလိုရေးပါတယ်။

Set wshShell = wscript.CreateObject("WScript.Shell")
do
wscript.sleep 100
wshshell.sendkeys "I Love You."
loop

အပေါ်က စာလေးတွေကို notepad ထဲမှာထည့်ပြီး ဖိုင် save တဲ့အခါ filename.vbs လို့ရေး save ပါ။
သူငယ်ချင်းရဲ့ မွေးနေ့မှာ စချင်ရင်တော့ I Love You. နေရာမှာ Happy Birthday လို့ပြောင်းရေးပေ့ါ။
အခု လာမယ့် Christmas မှာ စချင်နောက်ချင်ရင်တော့ Merry Christmas လို့ပြောင်းရေးပေးပေ့ါ။
ကိုယ်ကြိုက်ရာသာရေးပါ။ မြန်မာလိုသာမရတာ အင်္ဂလိပ်လိုတော့ ကြိုက်တာရေးပါ။
ပြီးရင် ကိုယ်ဘာနဲ့ကိုယ် run ကြည့်ဦးနော့။
ဖြေရှင်းနည်း .…

Mouse Hover

Mouse Hover ဆိုတာ သိပ်အထူးအဆန်းကြီးတော့ မဟုတ်တော့ပါဘူး၊ တော်တော်များများမြင်ဖူးပီးသား၊ ရင်းနှီးပီးသား mouse effect တစ်ခုပါ။ အခုလည်း ကျနော်က ကျနော်မြင်တွေ့ဖူးထားတာလေးတွေရယ်၊ ကိုယ့်စိတ်ကူးနဲ့ကိုယ်တွေးပီးရေးထားတဲ့ mouse hover code လေးတွေအကြောင်းပြောပြချင်ပါတယ်။
ပထမဆုံး ..
Text shadow mouse hover
ဒါက mouse ထောက်လိုက်တဲ့အချိန်မှာ text shadow ပေါ်လာတဲ့ပုံစံပါ။